Mavado: Jamaica's Next International Superstar

Uno tell me, Bob Marley, one of the first to bring reggae across di seas.. him sons dem follow him, The Marleys. Uno see Shaggy rise and bring Dancehall pon him back, Sean paul come and help him, Elephant man and Wayne Wonder too share in the movement along with couple other dancehall and reggae artises dem bringing it to the frontline of music genre across the globe

So a who next? ...mi feel a Mavado next. The 'gangsta fi life' a.k.a. 'Gully God'

check di levels, from year 2005 him buss... name one tune whey flop fi him? from him attain status as a big artist inna di bizniz, tell mi a show him perform whey him nuh get countless fwd, uh? ...answer mi nuh?
him produce countless a hits and him name rise inna di music fraternity til' him tek over the local scene too quick nuh would agree, Mavado marsh up jamaica with him voice, him dark and violent gun songs dem, contsantly inna the press... so wha him do next?

Flight out, yea... UK tour did sell off, mi friends dem a cuss mi... "how mi never tell dem bout that new artist ya, him bad". Seet deh, sold out shows inna Englan, plus him hits climb dem chart like ants pant tree, heehee!

So wha else him do?

Album buss! and just bare things a gwaan fi him. Mi luv how him threat the caribbean like a tropical storm... him jus past through a marsh it up lyrical (even thought likkle tension reach him inna couple islands). But nonetheless, a it him sing bout so guess a likkle demonstration did affi gwaan.

So what else hi fi do now?

Whey u think? Attack US, des suh di real money mek pon music, so why not! and the yute a do just that, big remix tune with Jay-z, "On The Rock". And the best thing bout tha remix deh is, a Jay come outta the blue and feel fi drop sumthing pon that. Seet deh! Jay-z hear Mavado tune and immediately want piece a it. a bare things. Mavado now even have collaborations with artist like Wyclef and one with Foxy Brown, name "We on Fire".

Seet deh! Mavado a steady a climb to the top, and if u think a that alone... 'Hissteeth' a more things a gwaan fi di artist. Is like VP Records just see the potential the artist have fi mek it as a top selling Dancehall act, suh dem start fi sort out him promotion and even a go do a top quality video by a top Hip-Hop music video director even though him album awready inna stores.

Plus a nuff more a gwaan inna him career, and we from JamRock Vibes.com a wish him di best as you a go through the likke idiot vibes about been arrested and charge for shooting with intend and illegal procession of firearm. He is out of jail on a $200,000.oo bail and his travelling documents seized.

and another thing, VP Records fi do a new ablum fi the artist, just add back the tunes dem whey stand out and jus use him most newest tunes dem. And 'On the Rock' feat. Jay-z fi dem pon it if uno really want fi promote him.



JamRock Vibes.com Views.